Өскемен мен ШҚО ШҚО-да ауқымды "Бекет-2025" кешенді оқу-жаттығулары өтеді
Оған әскерилер мен әскери техника жұмылдырылып, облыстағы барлық жергілікті атқарушы органдар қатысады
Фото:
ШҚО әкімінің баспасөз қызметі
Осыған байланысты ШҚО әкімі Нұрымбет Сақтағановтың жетекшілігімен жедел-қызметтік кеңес өтті, деп хабарлайды Устинка LIVE тілшісі.
"Бекет-2025" ведомствоаралық топтамаларының оқу-жаттығулары 29 қыркүйек пен 4 қазан аралығында, ал әскери міндеттілерді шақырумен өтетін тактикалық-арнайы жаттығулар 1–10 қазан аралығында ұйымдастырылады.
Жаттығулардың мақсаты – дағдарыстық жағдайларда, сондай-ақ әскери қатерлер кезінде жергілікті атқарушы органдардың, күштік құрылымдардың және әскери бөлімдердің өзара іс-қимылын жетілдіру, өңірдің қауіпсіздігі мен қорғаныс қабілетін арттыру.
Жаттығуларға қатысады:
- Өскемен гарнизоны құрамынан 1230 әскери қызметші мен қызметкер;
- 73 бірлік әскери және арнайы техника;
- облыстың барлық жергілікті атқарушы органдары;
- орталық мемлекеттік органдардың аумақтық департаменттері:
- ҰҚК департаменті,
- Полиция департаменті,
- Қорғаныс істері жөніндегі департамент,
- Қылмыстық-атқару жүйесі департаменті,
- Төтенше жағдайлар департаменті,
- Мемлекеттік қызмет істері департаменті және ӘПБ,
- ШҚО аумақтық қорғаныс бригадасы.