Өскеменде халықаралық ережесіз жекпе-жек турнирі өтеді

Бұл ММА жанкүйерлеріне жарқын жекпе-жектер, ерекше эмоцияға сыйлайтын тарихи айқасқа толы кеш болмақ, деп хабарлайды Устинка LIVE тілшісі.

27 қыркүйек күні сағат 17.00-де басталатын кештің басты шайқасы – Қазбек Сағын мен Еламан Саясатовтың айқасы. Екі қазақстандық жауынгер, екі өршіл үміткер, бір ғана мақсат – кімнің ең мықты екенін дәлелдеу.

Ко-мейн ивентте "Зайсандық қорқыныш" атанған Болат Заманбеков (9-3) Қытай спортшысы Инь Сянчжаоға (9-4) қарсы шығады. Бұл жекпе-жектің жеңімпазы осы салмақтағы вакантты белбеуге міндетті үміткер атанады.

Сонымен қатар, Өскемен қаласының спортшылары – Денис Черников, Жасулан Нұрдыбеков және Ерзат Сақабанов та сегізбұрышқа шығады.