Өскемен мен ШҚО Биыл 800 шығысқазақстандық әскер қатарына алынады
1 қыркүйектен 31 желтоқсанға дейін елімізде күзгі әскерге шақыру науқаны өтеді
Әскерге шақыру біртіндеп цифрлық форматқа көшірілуде, деп хабарлайды Устинка LIVE тілшісі.
Бұл туралы ШҚО Қорғаныс істері департаменті бастығының орынбасары Жәнібек Сапаров ШҚО Өңірлік коммуникациялар қызметінде өткен брифингте айтты.
Әскери қызмет және әскери қызметшілердің мәртебесі туралы" заңға сәйкес, мерзімді әскери қызметке 18 бен 27 жас аралығындағы, әскерге шақыруды кейінге қалдыруға немесе босатылуға негізі жоқ ер азаматтар шақырылады. Әскерде қызмет ету мерзімі – 12 ай, - дейді Жәнібек Сапаров. - Биыл облыстан шамамен 800 жас әскер қатарына алынбақ. Науқанды ұйымдастыру үшін 10 әскерге шақыру және медициналық комиссия жұмыс істейді. ШҚО-дан шақырылған сарбаздар елдің барлық өңірлерінде қызмет етеді.
Әскерге шақыру цифрлық форматқа көшірілуде: шақыру пунктеріне келу туралы ескертулер SMS арқылы және eGov порталының жеке кабинеті арқылы жіберіледі. Медициналық комиссиядан әдейі жалтарған немесе келмеген азаматтарға әкімшілік және қылмыстық жауапкершілік қарастырылған – айыппұлдан бастап бір жылға дейін бас бостандығынан айыруға дейін.
Сонымен қатар, Қорғаныс министрлігі әскерге шақырылушыларға бірқатар жеңілдіктер қарастырған. Мысалы, қызмет уақытына сарбаздарға "несие демалысы" беріледі, сондай-ақ "Сарбаз 2.0" жобасына қатысуға мүмкіндік бар. Елдің 80-нен астам жоғары оқу орнымен жасалған келісімдерге сәйкес, мерзімді әскери қызметін абыроймен өтеп, жақсы нәтиже көрсеткен жастарды университеттер қосымша емтихансыз тегін қабылдайды.