Өскемен мен ШҚО ШҚО алдағы төрт жылда туристер санын 650 мыңға жеткізбек
Жыл басынан бері өңірге 100 мыңға жуық турист келсе, оның 95 мыңы - өзіміздің қазақстандықтар
Өңірдегі қонақ үйлердің табысы 2 млрд теңгеге жеткен, деп хабарлайды Устинка LIVE тілшісі.
Туризмге 15 млрд теңге инвестиция тартылып, 2 ірі нысан іске қосылды. Туристік бағыттарға апаратын 168 км жол жөнделуде (5 млрд теңге). Сонымен қатар, санитарлық-гигиеналық жағдайды жақсарту үшін 12 жаңа санитарлық кешең орнатылды. Туризмге серпін берген тағы бір ірі қадам – Катонқарағай мен Зайсанда жаңа әуежайлардың құрылысы. Жұмыстар 2025 жылдың желтоқсанында аяқталады деп күтілуде, - деп мәлімдеді ШҚО туризм басқармасының басшысы Ержан Сембинов.
Эко- және этно-туризм – өңірдің басты артықшылығы. Биыл Самар ауданында балық аулау фестивалі, Катонқарағайда "Алтай – түркі әлемінің алтын бесігі" фестивалі өтті. 9 шілдеде ірі инвестициялық форум ұйымдастырылып, шетелдік инвесторларға облыстың әлеуеті таныстырылды.
Шекара маңында Марқакөл – Қанас (ҚХР) бағытында трансшекаралық маршрут әзірленуде. Жоба аясында жаңа шекаралық өткел мен туристік қалашық салу қарастырылған, - дейді басқарма басшысы. - Инфрақұрылым да назардан тыс қалған жоқ: 357 елді мекеннің 218-і интернетпен қамтылған. 2027 жылға дейін қалған 139 ауыл да интернетке қосылады. 136 демалыс базасының 79-ы интернетке қосылған.