Өскемен мен ШҚО ШҚО-да жас жол инспекторларының жиыны басталды
Еліміздің түкпір-түкпірінен келген 140-тан астам бала жол қауіпсіздігі ережелері бойынша жарысқа қатысады
ҚР ІІМ қолдауымен 3-13 тамыз күндері Шығыс Қазақстан облысында жас жол инспекторларының республикалық 20-шы мерейтойлық жиыны өтуде, деп хабарлайды Устинка LIVE тілшісі.
Жиынға еліміздің барлық 20 өңірінен және көрші ТМД елдерінен келген командалар қатысып жатыр. Жалпы саны 140-тан астам бала жиналды. Олар жол қауіпсіздігі бойынша білімдерін көрсетіп, түрлі байқаулар мен жарыстарға қатысады.
Шараға Астана, Алматы, Шымкент қалаларымен бірге Ақтөбе, Қарағанды, Абай, Жетісу, Ұлытау, Атырау, Павлодар, Қостанай, Маңғыстау, Түркістан, Ақмола, Қызылорда, Жамбыл және басқа да облыстардан балалар келді. Балалардың қауіпсіздігі бірінші орында. Сол себепті Шығыс Қазақстан облысының Полиция департаменті келген командаларды арнайы қарсы алып, "Дарын" лагеріне дейін қауіпсіз түрде жеткізді, - деп хабарлады ШҚО ПД баспасөз қызметі.
Бұл балалардың жолда жүру ережелерін тереңірек түсінуге, достар табуға және пайдалы демалыс өткізуге тамаша мүмкіндік.
