Өскемендіктер танымал спортшылармен бірге таңғы жаттығу жасайды

Оған әр спорт саласындағы танымал спортшылар қатысады, деп хабарлайды Устинка LIVE тілшісі.

Жастар арасында салауатты өмір салтын насихаттап, олардың спортқа деген қызығушылығын арттыруды көздейтін "Чемпиондық рух" жобасына шығысқазақстандықтар да қосылады.

Ертең, 18 маусым сағат 08.00-де Өскемендегі "Жеңіс" саябағында жастар үшін таңғы жаттығу ұйымдастырылады.

Оған дзюдо және самбодан Қазақстан чемпионы, ҚР спорт шебері Руслан Ақтаев, дзюдошы Руслан Закарьянов, слаломшы Екатерина Смирнова, боксшы Александр Милейко және басқа да спортшылар қатысады.