Өскемен мен ШҚО Өскемендегі бірнеше көшеде көлік қозғалысы шектелді
Премитин – Қабанбай батыр және Новаторов – Қабанбай батыр көшелерінің қиылысындағы жолда тамыздың аяғына дейін көлік қозғалысы шектелмек
Оған бірнеше учаскедегі жылу желілерін жөндеу жұмыстары себеп, деп хабарлайды Устинка LIVE тілшісі.
"Шығыс Жылу" АҚ хабарлауынша, 12 маусымнан бастап, 29 тамызға дейін ТК-7101 (Премитин – Қабанбай батыр көшелерінің қиылысы) учаскесінен ТК-7101-7 (Новаторов – Қабанбай батыр көшелерінің қиылысына) дейінгі учаскеде, яғни "EcoPetrol" жанармай құю стансасының маңайындағы жылу желілерін жөндеу жұмыстары жүргізіледі.
Жөндеу жұмыстарына байланысты көлік қозғалысы шектеледі:
- Пермитина көшесінен (Өрт сөндіру бекетінің жанында) Бурова көшесімен қиылысына дейін оң жақ жолақты тарылту
- Буров – Қабанбай батыр қиылысынан Новаторов – Қабанбай батыр қиылысына дейінгі оң жақ жолақты тарылту
- Желтоқсан көшесінен Қабанбай батыр көшесіне апарар жолдың оң жағы да жабылады
Аталған учаскедегі жылу желісін ауыстыру тұтынушыларды қыста жылумен сенімді және үздіксіз қамтамасыз ету үшін қажет екенін ескертеміз, - деп мәлімдеді "Шығыс Жылу" АҚ. - Келтірілген қолайсыздықтар үшін кешірім сұраймыз және осы аймақтар арқылы өтетін бағдарыңызды алдын ала жоспарлауды ұсынамыз.