Өскемен мен ШҚО ШҚО қан орталығында донорлық акция және мерекелік концерт өтеді
13 маусым күні Шығыс Қазақстан облыстық қан орталығында "Қан тапсыр - үміт сыйла!" ұранымен қайырымдылық донорлық акция өтеді
14 маусым - Дүниежүзілік қан доноры күні, деп хабарлайды Устинка LIVE тілшісі.
Бұл мереке 21 жыл бұрын дүниежүзілік денсаулық сақтау ұйымының, Халықаралық қызыл крест және қызыл жарты ай федерациясының, Халықаралық қан донорлары ұйымдары федерациясының және халықаралық қан құю қоғамының бастамасымен енгізілді.
Мереке қарсаңында, 13 маусым күні, Шығыс Қазақстан облыстық қан орталығында "Қан тапсыр - үміт сыйла" ұранымен қайырымдылық донорлық акция өтеді. Шараның басталуы сағат 10.00-де. Бұл күні донорларға алғыс хаттар, мадақтама қағаздары мен сыйлықтар табысталып, мерекелік концерт ұйымдастырылады.
Концерттік бағдарламадан кейін қан орталығы БАҚ өкілдеріне арналған Ашық есік күні өтеді. Ондағы мақсат – ерікті донорлықты насихаттау, халыққа қан тапсырудың маңыздылығын түсіндіру.