Өскемен мен ШҚО Айыппұл төлемей жүрген шығысқазақстандық жүргізушілерді полиция жолдан ұстайды
Облыста үш күн бойы "Борышкер" жедел профилактикалық іс-шарасы өтеді
10-12 маусым күндері облыс жолдарында полиция қызметкерлері, прокуратура өкілдері және жеке сот орындаушыларының аймақтық палатасы бірлесіп рейдтік тексерулер жүргізеді, деп хабарлайды Устинка LIVE тілшісі.
Полиция айыппұл өндіру туралы қаулыларды орындаудан жалтарып жүрген азаматтарды анықтайтын болады.
ҚР Әкімшілік құқық бұзушылық туралы кодексінің 810-бабына сәйкес, азаматтар хаттама толтырылған сәттен бастап 7 тәулік ішінде айыппұлдың тек 50%-ын төлеу арқылы қысқартылған тәртіппен өтеуге құқылы, - деп еске салады ШҚО Полиция департаменті. - Басқаша жағдайда, айыппұл толық көлемде ерікті түрде 30 тәуліктен кешіктірілмей төленуі тиіс. Көрсетілген мерзім өткеннен кейін айыппұлды мәжбүрлі түрде өндіріп алу үшін материалдар атқарушы органдарға жолданады.