Өскемен мен ШҚО Өскеменде аула командалары арасында шағын футболдан турнир басталды
Турнир 1 маусым – Халықаралық балаларды қорғау күніне орайластырылған
Аула командалары арасындағы жарысқа 2011–2013 жылдары туған жас футболшылар қатысады, деп хабарлайды Устинка LIVE тілшісі.
Қаланың әр ауданындағы командалар 27-31 мамыр аралығында финалға шығу үшін өзара бақ сынайды. Шешуші ойындар 1 маусым күні өтеді. Биыл турнирге жалпы саны 17 команда қатысуда, - деп хабарлады Өскемен қалалық әкімдігі. - Турнир қорытындысы бойынша қалалық әкімдік тарапынан аула спортына қолдау ретінде футбол доптары мен қақпа торлары беріледі.
Турнирдің негізгі мақсаты – салауатты өмір салтын насихаттау, бұқаралық балалар спортын дамыту, командада жұмыс істеу қабілетін қалыптастыру және жазғы демалыс кезінде балалардың бос уақытын тиімді ұйымдастыру.