Өскемен мен ШҚО Алаяқ риэлтор Өскемен тұрғынын ипотека рәсімдеу кезінде алдап кеткен
Ипотекаға пәтер алу үшін қала тұрғыны белгісіз біреуге 500 мың теңгедей қаражат аударған
Фото:
pixabay
Алаяққа алданғанын білген соң полицияға жүгінгуге мәжбүр болған, деп хабарлайды Устинка LIVE тілшісі.
Жәбірленушінің айтуынша, бейтаныс әйел пәтерді ипотекалық несиеге рәсімдеуге көмектесемін деген сылтаумен 490 000 теңге сомасында ақшасын иемденіп алған. Жәбірленуші бұл соманы алаяқтың банк шотына аударған, алайда уәде етілген көмек те, ақша да қайтарылмаған, - деп мәлімдеді ШҚО ПД.
Аталған факті бойынша "Алаяқтық" бабымен қылмыстық іс қозғалды. Қазіргі уақытта сотқа дейінгі тергеу амалдары жүргізілуде.
Шығыс Қазақстан облысының полициясы азаматтарды сақ болуға шақырады:
- бейтаныс адамдарға ақша аудармаңыз
- қаржылық мәселелер бойынша көмек ұсынатын тұлғалардың лицензиялары мен құжаттарын мұқият тексеріңіз
- күмәнді жағдайларда полицияға немесе қаржы ұйымдарына хабарласыңыз