Өскемен мен ШҚО Өскемен: терезеңіздің алдына "сөйлейтін" дрон ұшып келсе, қорықпаңыз
ШҚО құтқарушылары көпқабатты үй тұрғындарына қауіпсіздік шараларын дрон арқылы ескертуде
"Сөйлейтін" дрондар тұрғындарға қауіпсіздік шараларын түсіндіреді, сондай-ақ терезеге орнатылуы тиіс қауіпсіздік құрылғылары мен құлыптарды көрсетеді, деп хабарлайды Устинка LIVE тілшісі.
Қауіпсіздік акциясы барысында құтқарушылар мұқтаж отбасылардың терезелеріне арнайы құрылғылар орнатты.
Мұндай алдын алу шаралары қажет болды, өйткені облыста балалардың терезеден құлауының екі жағдайы тіркелді. Ыстық күндері тұрғындар пәтерді желдету үшін терезелерін ашып, қарбалас тірлікпен жүріп балалардың қауіпсіздігін естен шығарып жатады. Оқыс деген қас қағым сәтте орын алуы мүмкін. Біздің міндетіміз – тұрғындарға ескертіп, осындай оқиғалардың алдын алу, - деп атап өтті ШҚО ТЖД бастығының орынбасары Исхар Савазов.
ШҚО ТЖД ата-аналарға еске салады:
- жалғыз москит торы баланы ұстап қала алмайды
- терезелерге арнайы қорғаныс құрылғыларын орнатыңыз;
- бала терезе алдына шыға алмайтындай жиһазды алыс қойыңыз;
- балаларды қараусыз қалдырмаңыз және балконға жалғыз шығуына жол бермеңіз.