Өскемен мен ШҚО Өскеменде республикалық дзюдо турнирі өтеді
ҚР еңбек сіңірген жаттықтырушысы Жанәділ Атаевтың жүлдесіне арналған додаға 2008-2009 жылғы жасөспірімдер қатысады
Ұйымдастырушылар көршілес мемлекеттердің де спортшылары да келетінін айтады, деп хабарлайды Устинка LIVE тілшісі.
17 мамыр күні сағат 15.00-де Б. Александров атындағы спорт сарайы 2008-2009 ж.т. жасөспірімдер арасында Қазақстан Республикасының еңбек сіңірген жаттықтырушысы Ж. Атаевтың жүлдесіне арналған республикалық дзюдо турнирі өтеді.
Сайысқа еліміздің әр өңірінің спортшылары, сондай-ақ Қырғызстан, Өзбекстан Республикалары мен Ресей федерациясының да спортшылары қатысады деп жоспарлануда, - дейді ШҚО бойынша дзюдо күресінен аға жаттықтырушы Алмас Атаев.
Нағыз шеберлік пен ерік-жігер сыналатын сәтте жас спортшыларды қолдап, ерекше атмосфераға куә болғысы келетіндерге есік ашық.