Өскеменде студент суға батып бара жатқан баланы құтқарып қалды

Студент Ерасыл Омарханов осы оқиғаның кездейсоқ куәсі болып, дереу көмекке ұмтылды, деп хабарлайды Устинка LIVE тілшісі.

Кеше Үлбі өзені бойымен серуендеп жүрген 5 жастағы бала суға құлап, ағыс алып кете жаздаған. Дәл осы сәтте Ерасыл Омарханов абдырап қалмай көмекке ұмтылып, баланы алып шыққан.

Ерасыл Омарханов Қазақстан-Американ Еркін университетінің студенті болып шықты. Ол өзінің бұл әрекетін батылдық деп санамайтынын және кез келген адам осылай жасарын айтады.

ШҚО ТЖД мамандары ата-аналардан балаларды қараусыз қалдырмауды сұрайды.

Төтенше жағдай кезінде 112 нөмірі бойынша хабарлау қажет.