ШҚО-да ертең найзағай ойнап, бұршақ жауады

Синоптиктер 29 сәуірге арналған ауа райын болжады, деп хабарлайды Устинка LIVE тілшісі.

"Қазгидромет" ШҚО филиалының ақпараты бойынша 29 сәуірде күндіз облыста найзағай, бұршақ күтіледі. Жел облыстың солтүстігінде, шығысында оңтүстік-шығыстан, оңтүстіктен соғады, екпіні 15-20 м/с болады.

Өскемен қаласында да күндіз найзағай күтіледі. Жел оңтүстік-шығыстан, оңтүстіктен соғады, күндіз екпіні 15-20 м/с.

ШҚО ТЖД найзағай кезіндегі қауіпсіздік ережелерін еске салады:

• найзағай жарқылдағанда далада жүрмеген жөн
• есік-терезені, түтіндіктерді жауып, электр құрылғыларын қуат көзінен ажырату қажет және пайдалануға болмайды;
• металл қоршаулардың немесе басқа электр өткізгіштердің жанында тұрмаған жөн
• желдің екпіні кезінде сымдар мен тербелетін заттарға жақындамаңыз, автобус аялдамаларының артына, ағаштардың астына тығылмаңыз.

Төтенше жағдай кезінде "112" телефоны бойынша хабарласу керек.