Өскемен мен ШҚО ШҚО-дағы қытайлық құрылыс компаниясына 1 млрд теңге айыппұл салынды
"СИНЬСИН" компаниясы экологиялық заңнаманы бұзғаны анықталды
ШҚО Мамандандырылған табиғат қорғау прокуратурасының талабы бойынша Экология департаменті "СИНЬСИН Құрылыс және даму бойынша Қытай компаниясы" ЖШС-на қатысты тексеру жүргізді, деп хабарлайды Устинка LIVE тілшісі.
Тексеру нәтижесінде экологиялық заңнаманың бұзылғаны анықталды - ІІ санаттағы объектілерге экологиялық рұқсатсыз асфальтбетон қондырғысы мен ұсақтау кешенін пайдалану фактілері тіркелді.
2024 жылғы 21 қарашадағы инспектордың қаулысымен ЖШС Әкімшілік құқық бұзушылық туралы кодекстің 328-бабының 1-бөлігі бойынша әкімшілік жауапкершілікке тартылды, - деп мәлімдеді ШҚО Прокуратурасы. - Аталған қаулы ЖШС тарапынан Өскемен қаласының әкімшілік құқық бұзушылықтар жөніндегі мамандандырылған сотына шағымданумен дауланды. Соттың 2025 жылғы 4 наурыздағы қаулысымен ЖШС-ның кінәсі анықталып, 1 миллиард теңге көлемінде айыппұл салынды.
Тарап апелляциялық тәртіппен жоғары тұрған сотқа шағым түсірді, алайда 2025 жылғы 10 сәуірдегі апелляциялық инстанцияның қаулысымен бірінші сатыдағы сот шешімі өзгеріссіз қалдырылды.