Өскеменнен бірнеше ауылға автобустар жүре бастайды

Бұл туралы ШҚО жолаушылар көлігі және автомобиль жолдары басқармасы мәлімдеді, деп хабарлайды Устинка LIVE тілшісі.

Өскемен – Бозанбай бағытында 25 сәуірден бастап, ал басқа үш бағыт бойынша автобустар 1 мамырдан бастап жүреді.

Автобус Өскеменнен (Абай даңғылындағы автовокзал) сағат 11.30 және 16.30-да жүреді. Бозанбайдан (әкімдік жанындағы аялдама) – сағат 7.30 және 13.30-да шығады. Билет бағасы ересектер үшін – 1000 теңге.

1 мамырдан бастап Өскемен – Марқакөл, Өскемен – Жаңа Қанай, Өскемен - Тройницкое бағытында автобус жүреді.

Өскеменнен – сағат 14.30 (Абай даңғылындағы автовокзал), Марқакөлден – сағат 7.00. Билет бағасы ересектер үшін – 4500 теңге. Балалар мен жеңілдік алушы санаттарға арнайы тарифтер бар.

Өскеменнен Жаңа Қанайға баратын автобус Мыза көшесіндегі автостанциядан сағат 12.00, 16.50-де жөнелтіледі. Ал кері бағытта сағат 08.20, 13.20-да шығады. Билет бағасы 650 теңге.

Өскеменнен Тройницкое ауылына автобус Мыза көшесіндегі автостанциядан сағат 16.45-те шығады, ал кері бағытта 07.30-да. Билет бағасы 1500 теңге.

Балалар мен жеңілдік алушы санаттарға арнайы тарифтер бар.