ШҚО-да ауаның ластану деңгейі жоғары болады
Өскемен мен Риддер қалаларында ертең де қолайсыз ауа сапасы сақталады

Бұл туралы "Қазгидромет" РМК ескертті, деп хабарлайды Устинка LIVE тілшісі.
Өскеменде және Риддерде ертең аздаған бұлт болады, жауын-шашынсыз. Өскеменде түнде және таңертең тұман. Жел оңтүстік-шығыстан соғады, күші 0-5 м/с. Ауа температурасы түнде 20-22°, күндіз 4-6° аяз болады. Риддерде жел шығыстан, оңтүстік-шығыстан соғады, күші 1-6 м/с. Ауа температурасы түнде 17-19°, күндіз 0-2° аяз болады, - делінген "Қазгидромет" РМК ақпаратында.
Сондай-ақ, 2 наурызда метеорологиялық жағдайлар қала атмосферасында ластаушы заттардың жиналуына ықпал етеді. Жалпы Өскемен, Риддер қалаларында ауаның ластану деңгейі жоғары болады деп күтіледі. ҚМЖ туралы 2-дәрежелі ескерту сақталады.