Өскемен мен ШҚО Өскемендік оқушыларға сабақ 7.30-да бастала ма?
ШҚО-ның барлық қала, ауылдарындағы мемлекеттік мекемелер мен бюджеттік ұйымдар жаңа жұмыс кестесіне ауысқан болатын
Осыған байланысты мектептерде сабақ жарты сағат ерте, яғни 7.30-да басталуы мүмкін деген сөз тараған, деп хабарлайды Устинка LIVE тілшісі.
Облыстағы жаңа кесте бойынша жұмыс күні сағат 08.00-де басталып, 17.30-да аяқталады, ал түскі үзіліс 12.00-ден 13.30-ға дейін белгіленді.
Сондықтан Өскемендегі мектептерде де сабақты 7.30-ға ауыстыру бойынша ата-аналар арасында сауалнама жүргізілді. Тіпті ата-аналардың пікірімен санаспай, 4-тоқсаннан бастап сабақ 7.30-да басталады деп шешкен білім ошақтары да болды. Ол туралы ата-аналардың өздері айтып, журналистерге, әлеуметтік желілерде наразылықтарын білдіріп жатты.
Ал бүгін қалалық білім бөлімі хабарлама жасады.
Өскемен қаласы бойынша қала мектептері әдеттегідей, яғни сағат 8.00-ден бастап жұмыс істейді, - деп хабарлады Өскемен қалалық білім бөлімі.
Айта кетейік, мектептерде 4-тоқсан сабақтары ертеңнен басталады.
