Өскемен әкімі қала тазалығына жауаптыларға қатаң ескерту жасады

Тексеру барысында жауапты ұйымдардың жұмысында көптеген кемшіліктер анықталды, деп хабарлайды Устинка LIVE тілшісі.

Өскемен қаласының әкімі Алмат Ақышов қала көшелері мен аулаларын аралап, аумақтардың қазіргі жағдайын және коммуналдық қызметтер атқарып жатқан жұмыстың сапасын тексерді. Әкім ТКШ, ЖК және АЖ бөлімінің басшысына, сондай-ақ мердігер ұйымдардың, атап айтқанда «Таза Өскемен» ЖШС мен ЦТУ басшыларына қатаң ескертулер жасады.

Әкім Үлбі көпірін абаттандыру қажеттігін атап өтіп, қала үшін қауіпті жағдайдың алдын алған және іс жүзінде қаланы құтқарған иттің шағын сәулеттік нысанын орнатуды ұсынды. Сонымен қатар, демалыс аймақтарын абаттандыру бойынша тапсырмалар берілді. Әкім қаланы абаттандыру қазіргі заманғы жайлылық пен қауіпсіздік стандарттарына сай болуы керектігін атап өтті, - деп мәлімдеді Өскемен қалалық әкімдігінің баспасөз қызметі.

Сонымен қатар, Бабкина Мельница шағын ауданын аралау кезінде әкім жол жабынын жөндеудің оңтайлы шешімін әзірлеуді, тиімді су бұруды қамтамасыз етуді және еріген және жауын-шашын суларының жиналуын болдырмауды тапсырды.