Өскемен мен ШҚО Өскеменде 100-ден астам оқушы күй орындады
Наурыз мейрамын тойлау аясында Өскемен қаласында бір сәтте 100-ден астам оқушы танымал қазақ күйлерін орындады
Фото:
Өскемен қалалық әкімдігінің баспасөз қызметінен
Қаладағы ірі сауда орнына келушілер "Тепенкөк", "Ертұран-Қаражорға" сынды танымал күйлерден сусындады, деп хабарлайды Устинка LIVE тілшісі.
Бұл флешмобтың мақсаты – өскелең ұрпақтың рухани-адамгершілік мәдениетін қалыптастыру, патриоттық сезімін нығайту, сондай-ақ елдің мәдени мұрасын сақтау. Сонымен қатар, балалар арасында домбыра тарту өнерін дәріптеуге ерекше мән берілді, өйткені бұл аспап – қазақ мәдениетінің ажырамас бөлігі.
Ұйымдастырушылардың айтуынша, мұндай концерттерге қатысу балалардың музыкалық қабілетін дамытып қана қоймай, өз халқының тарихы мен дәстүрлерін тереңірек түсінуге көмектеседі.