Өскемен мен ШҚО Бүгін Өскеменде ұлттық спорттан жарыстар өтеді
Бүгін Наурызнаманың жетінші күні, 20 наурыз – Ұлттық спорт күні
Халқымыздың ғасырлар бойы қалыптасқан ұлттық ойындарын дәріптеп, салт-дәстүрімізді жаңғыртатын күн, деп хабарлайды Устинка LIVE тілшісі.
Сағат 10.00-ден бастап Өскемендегі Республика алаңындағы бас киіз үйде ұлттық спорт түрлері бойынша жарыстар басталады. Бұл – батылдық пен ептілікті сынайтын ерекше шара, онда әркім өз шеберлігін көрсетіп, нағыз қазақы рухты сезіне алады.
20 наурыз – Ұлттық спорт күніне орай, дәстүрлі ойындарымыздың сайыстары өтеді:
- 10.00 – Бестас және Тоғызқұмалақ
- 12.00 – Қазақша күрес
Бестас және Тоғызқұмалақ – халқымыздың ежелден келе жатқан зияткерлік ойындары. Бұл сайыстар ұлттық мұрамызды дәріптеп, жастарға оны насихаттауға бағытталған.
Қазақша күрес – батылдық пен күштің айғағы. Жарысқа дәрігердің рұқсаты бар спортшылар қатыса алады. Жеңімпаздар әр салмақ дәрежесі бойынша анықталады.
Өскемен қаласының тұрғындары мен қонақтарын осы шараларға қатысып, ұлттық спортты қолдай алады.