Өскемен мен ШҚО Биыл Согра шағын ауданындағы қай жолдар жөнделеді?
Өскемен қаласының әкімі Алмат Ақышов Согра шағын ауданындағы жол жабындарының жағдайын тексерді
Бүгінде бұл аудандағы жолдардың жағдайы мәз емес, көше бойында су жиналып, жүргізушілер мен жаяу жүргіншілерге қолайсыздық тудыруда, деп хабарлайды Устинка LIVE тілшісі.
Өскемен қалалық әкімдігі ақпараты бойынша, биыл бұл шағын ауданда Гавань қиылысынан бастап "Арун" дүкеніне дейінгі жол учаскесіне орташа жөндеу жүргізіліп, асфальт төсемі жаңартылады. Сондай-ақ, Согра ішіндегі көшелер мен Вешний тұйығына жөндеу жұмыстары жоспарланған. Бұдан бөлек, Егоров көшесін жөндеу мүмкіндігі қарастырылуда. Қалған учаскелерде шұңқырларды бітеу жұмыстары жүргізіледі. Келесі жылы орташа жол жөндеу жалғасады.
Әкім тиісті қызметтерге жолдардың жағдайын қатаң бақылауда ұстауды және жөндеу жұмыстарына дайындықты жеделдетуді тапсырды. Сонымен қатар, тұрақты түрде мониторинг жүргізіп, еріген қар суларының үздіксіз сорылып отыруын қамтамасыз ету қажеттігін атап өтті.