Өскемен мен ШҚО Өскемен қалалық кітапханасында ұлттық киімдерді киіп көруге болады
Ұлттық киімдер күніне орай "Ұлттық киім – ұрпаққа аманат" AR көрмесі бұқара назарына ұсынылды
Оралхан Бөкей атындағы кітапханада ұлттық киімдерді жасанды интеллект арқылы киіп көруге болады, деп хабарлайды Устинка LIVE тілшісі.
Келушілер ХVIII, ХIХ, ХХ, ХІ ғасырдағы ұлттық киімдеріміздің көз тоймас кереметіне тәнті болады. Одан өзге, ұлттық киімдегі әр ғасыр тұлғаларының бейнелері көз алдарыңызда "жанданып", ерекше әсерге бөлейді. QR-код арқылы әр құндылықтың тарихымен танысып, қызықты деректер аласыздар. Бабалар өміріне өтіп, өздеріңізді шапан мен бөрік киген батыр бейнесінде сезініп көрулеріңізге де болады. Сәукеле киіп, сұлу қалыңдықтың бейнесіне ену де қызық болары күмәнсіз, - дейді ұйымдастырушылар.
AR-көрме Наурыз айының соңына дейін жұмыс істейді.
Кітапхана мекенжайы: Е.П.С лавский атындағы Ертіс жағалауы, 22.