Өскемен мен ШҚО Өскеменнің қарын тазалау үшін заманауи техника қажет
Қалалық мәслихаттың кезекті сессиясында қар тазалау мәселесі көтерілді
Өскеменнің әкімі Алмат Ақышов қар тазалау бойынша тиімдірек алгоритм әзірлеуді тапсырды, деп хабарлайды Устинка LIVE тілшісі.
Тұрғындардың шағымы орынды. Көше мен жаяу жүргіншілер жолдарын тазалау жұмыстары жеткілікті деңгейде жедел жүргізіліп жатқан жоқ. Сондықтан қысқы жол күтіміне қатысты көзқарасты қайта қарау және заманауи техниканы енгізу қажет, - дейді шаһар басшысы. - Қарды жол жиегіне ысырып қана қоймай, бірден шығаратын тиімді техниканы таңдауды тапсырдым. Біз үшін қар тазалау ғана емес, жаяу жүргіншілер мен жүргізушілердің қауіпсіз қозғалысын қамтамасыз ету де маңызды.
Әкім жауапты қызметтерге мердігер ұйымдардың жұмысын қатаң бақылауды күшейтуді және қар тазалау бойынша тиімдірек алгоритм әзірлеуді тапсырды.