Өскемен мен ШҚО Өскеменде тағы екі жер үсті өткелі салынады
Көпір көлік ағыны қатты Есенберлин даңғылы мен "Fresh Market" гастрономы маңында орналаспақ
Есенберлин даңғылындағы көпір құрылысы биыл басталады деп жоспарлануда, деп хабарлайды Устинка LIVE тілшісі.
Биыл Есенберлин даңғылында жаңа жаяу жүргіншілер көпірінің құрылысы басталмақ. Бұл аумақта "Жайлы мектеп" ашу жоспарланған, сондықтан оқушылардың қауіпсіздігін қамтамасыз ету қажет. Сондай-ақ дәл осындай жаяу жүргіншілер көпірі "Fresh Market" гастрономы маңында да салынады, - деді Өскемен қаласының әкімі Алмат Ақышов.
Өскемен қаласында қолданыстағы жаяу жүргіншілер көпірлерін жаңарту және жөндеу жұмыстары жүргізілуде. Бүгінде олардың кейбірі ескіріп, зақымданған, жабындары тозған және сырлауды қажет етеді. Осыған байланысты биыл жөндеу жұмыстары басталып, қажетті шаралар қолға алынуда.
Осыған байланысты қала әкімі Сәтпаев даңғылы мен "Даниель" сауда үйі маңындағы көпірлердің жағдайын тексеріп, алдағы жөндеу жұмыстарының жоспарын талқылады.