Өскемен мен ШҚО ШҚО-да көпбалалы аналарға 8 наурызға қаржылай көмек берілуде
8 наурыз – Халықаралық әйелдер күніне орай Қазақстанның бірнеше өңірінде көпбалалы аналарға және әлеуметтік осал топтарға қаржылай көмек бөлінеді
ШҚО-да бүгінгі таңда 13 мыңнан астам көпбалалы ана бар, деп хабарлайды Устинка LIVE тілшісі.
ШҚО Жұмыспен қамту және әлеуметтік бағдарламаларды үйлестіру басқармасы ақпаратына сүйенсек, шығысқазақстандық аналарға 15 000 теңге көлемінде бір реттік берілуде. Қаржылай көмекті "Алтын алқа", "Күміс алқа" алғандар немесе "Батыр аналар", I және II дәрежелі "Ана даңқы" орденімен марапатталғандар, 4 немесе одан да көп кәмелетке толмаған баласы бар көпбалалы аналарға қарастырылған.
Бүгінде облыста 12 417-ден астам көпбалалы отбасы тұрады, оның ішінде: 4 және одан да көп кәмелетке толмаған балалары бар 8829 отбасы, "Алтын алқа", "Күміс алқа" алқаларымен марапатталған 3588 көпбалалы ана тіркелген, - деп хабарлады ШҚО жұмыспен қамту және әлеуметтік бағдарламаларды үйлестіру басқармасы.