Өскемен мен ШҚО Шығысқазақстандық студент Әлем кубогінде күміс жүлде иеленді
Канададағы Квебек қаласында шорт-тректен Әлем кубогынің жасөспірімдер кезеңі өтіп жатыр
Бұл байрақты бәсекеге С. Аманжолов атындағы ШҚУ-дың "Дене шынықтыру және спорт" білім беру бағдарламасының 19 жастағы студенті Зейнеп Құмарқан қатысты, деп хабарлайды Устинка LIVE тілшісі.
Ол тек канадалық Виктория Жан-Батистке есе жіберіп, 500 метр қашықтықта 2-орынды жеңіп алды. Зейнептің көрсеткіші – 44,637.
Бұған дейін қазақстандық спортшы Харбинде өткен Азия ойындарында үздік нәтиже көрсетіп, күміс жүлде жеңіп алған болатын.
Бұл жетістіктер мені алдағы халықаралық бәсекелерде бұдан да үздік нәтиже көрсетуіме және көбірек жаттығуыма ынталандырады, - деді спортшы.
Айта кетейік, Зейнеп Құмарқан – Amanzholov University-дің 2-курс студенті. Ол облыс орталығындағы мұз айдындардың бірінде жаттығады.
