Өскемен мен ШҚО ШҚО-да былтыр салынған жайлы мектептер қашан ашылады?
Өңірде "Жайлы мектеп" ұлттық жобасы аясында жеті мектеп салынуда
2 мыңнан астам оқушыға арналған бес білім ордасы дайын тұр, деп хабарлайды Устинка LIVE тілшісі.
Өскемен, Риддер, Шемонаиха қалалары мен Белоусовка кентіндегі мектептер төртінші тоқсанда ашылады.
Ал Өскемендегі 600 орындық, Опытное поле ауылындағы 300 орындық екі мектептің құрылысы жақында аяқталады.
Облыс әкімі Нұрымбет Сақтағанов мектепке баратын кірме жолдардың құрылысын 1 маусымға дейін аяқтауды тапсырды.
Сондай-ақ ол Өскемен, Риддер қалалары мен Белоусовка кентіндегі нысандарды 20 наурызға дейін пайдалануға беруді тапсырды.
Опытное поле ауылындағы мектеп 30 маусымға дейін, Есенберлин даңғылындағы білім ошағы 31 шілдеге дейін салынуы керек. Глубокое ауданының әкімі Белоусовка кенті мен Опытное поле ауылындағы кірме жолдардың құрылысын 1 мамырға дейін аяқтауы қажет, - деді Нұрымбет Сақтағанов.