Өскемен мен ШҚО Жерлес ақын Серік Ғабдуллиннің шығармашылығына арналған байқау өтті
Байқау ақынға арнау және ақын өлеңдерін жатқа оқу бойынша екі бағытта болды
Байқауға 50-ге жуық үміткер қатысты, деп хабарлайды Устинка LIVE тілшісі.
Серік Ғабдуллин - ақын, белгілі журналист, Өскемен қаласының құрметті азаматы.
Байқау ақын Серік Ғабдуллиннің шығармашылық мұрасын зерттеу және насихаттау, жастардың әдеби шығармашылығын дамыту мақсатында ұйымдастырылды.
Ақынға арнау бағыты бойынша Жамбыл мектеп-гимназиясының оқушысы Айжан Насиқан 1-орынды иеленсе, арнайы "Ғабдуллин ізбасары" және "Көрермен көзайымы" номинацияларын Бозанбай орта мектебінің оқушысы Томирис Башай пен Асубұлақ орта мектебінің оқушысы Айзере Ерболқызы жеңіп алды.
С. Ғабдуллин өлеңдерін жатқа оқудан 3-орынды №16 мектептің оқушысы Айару Бейбіт иемденсе, 2-орынға №27 мектептің оқушысы Нұрәлі Нұрланов, 1-орынға Жамбыл мектеп-гимназиясының оқушысы Нұрболат Тұрарұлы ие болды.
Ал арнайы номинацияларды №49 мектептің оқушысы Айханым Ернарқызы, Өскемен–техника колледжінен Сара Жанат, №44 мектеп оқушысы Інжу Қайырбекова және №19 мектеп оқушысы Даниил Лашкарев иеленді.
Қалған қатысушыларға ақын отбасының атынан кітаптар және алғыс хаттар табыс етілді.