Өскемен мен ШҚО ШҚО тұрғынының алимент қарызы 9 млн теңгеден асқан
ШҚО-ның 42 жастағы тұрғыны сот шешімімен белгіленген алиментте төлемеген
Әйел адамның алимент бойынша қарызы 9 млн теңгеден асқан, деп хабарлайды Устинка LIVE тілшісі.
ШҚО полициясына әлеуметтік қызметке мұқтаж балаларды қолдау орталығының директоры өтінішпен жүгінген. Әйел адамның кәмелетке толмаған 7 баласы орталықта тәрбиеленуде. Әйел адам алимент төлемеген. Аталған факті бойынша қылмыстық іс қозғалып, қазіргі уақытта тергеу амалдары жүргізілуде, - деді ШҚО Полициясы департаменті.
Полиция департаменті алимент төлеуден бас тарту азаматтық-құқықтық жауапкершілікке ғана емес, қылмыстық жауапкершілікке де әкеп соғатынын ескертеді. Ал міндеттерді орындамау бас бостандығын шектеу және заңда көзделген басқа да шаралардың қолданылуына себеп болуы мүмкін.
