Өскемен мен ШҚО Өскеменде жылу ақысы қымбаттады
1 ақпаннан бастап Өскеменде жылумен жабдықтау тарифтері көтерілді
ШҚО энергетика және тұрғын үй-коммуналдық шаруашылық басқармасы ақпаратына сүйенсек, қала бойынша орташа тариф 7 903,96 теңгеге дейін өсті, деп хабарлайды Устинка LIVE тілшісі.
Қазіргі тариф:
- Халық үшін 4 724,75 теңгеге дейін (өсім 754,37 теңгеге немесе 19%-ға).
- Бюджеттік ұйымдар үшін 25 533,46 теңгеге дейін (өсім 1 137,46 теңгеге немесе 5%-ға).
- Басқа тұтынушылар үшін 13 323,84 теңгеге дейін (өсім 502,73 теңгеге немесе 5%-ға).
Қала бойынша орташа тариф 7 903,96 теңгеге дейін өсті (512,27 теңгеге немесе 7%-ға өсті). Бұл инвестициялық бағдарламалардың ұлғаюына, стратегиялық тауарлар бағасының өсуіне және жұмысшылардың жалақысының өсуіне байланысты, - деп түсіндірді ШҚО энергетика және тұрғын үй-коммуналдық шаруашылық басқармасы.
