Өскемен мен ШҚО Биыл Өскеменде жаңа атшабар салынады
Құны 1,5 млрд теңге болатын атшабар 28-ші шағын аудан мен Шығыс ауылы маңында орналасады
Өскемен қаласының әкімі Алмат Ақышов болашақ ипподром қай жерден ашылатынын көрсетті, деп хабарлайды Устинка LIVE тілшісі.
537,7 шаршы метр аумақта орналасатын ат спорты кешенінде қоғамдық ғимарат пен үш қабатты трибуна болады. Мұнда кәсіби мамандармен бірге қарапайым халық та келе алады. Сонымен қатар, иппотерапия жұмыстары да жүргізілмек.
Соңғы уақытта ат спорты, жалпы ұлттық спорт түрлері дамып келеді. Сондықтан ат үстіндегі азаматтардың бастамасын қолдау мақсатында облыс әкімінің тапсырмасымен Өскемен қаласында атшабар салынбақ. Биыл құрылысы басталады, жоба құны 1 млрд 455 млн теңге. Бұл халықтың демалысын өткізуіне, иппотерапия үшін қолайлы орын болмақ, - деді шаһар басшысы Алмат Ақышов.
Құрылыс жұмыстары көктемде басталып, жыл соңына дейін пайдалануға берілмек.