ШҚО-да бірнеше аудан мектептері қашықтан оқиды

ШҚО Білім басқармасының ақпаратына сәйкес, облыста қалың қар жауып, желдің күшеюіне байланысты бірнеше аудан мектептері сабақты қашықтықтан оқиды, деп хабарлайды Устинка LIVE тілшісі.

Күршім ауданында қалың қар жауып, екпіні 2 м/с-тан асатын желдің күшеюінен Жолнұсқау орта мектебінің 1-ші және 2-ші ауысымдағы 0-4 сыныптар сабақты қашықтықтан оқиды.

Ұлан ауданында қалың қар жауып, екпіні 2 м/с-тан асатын желдің күшеюінен, ауа температурасының -9 градустан -17 градусқа дейін төмендеуіне байланысты мына мектептер онлайн оқытуға көшеді:

• Украин орта мектеп – балабақша кешені (1-4 сыныптар);
• М.Әуезова атындағы орта мектеп (0-11 сыныптар);
• Герасимов орта мектеп (0-4 сыныптар);
• Б.Ахметов атындағы орта мектеп (1-11 сыныптар);
• Қалған аудан мектептері қалыпты режимде жұмыс істеп жатыр.