Өскемен мен ШҚО Болашақ офицерлер оқушылармен кездесті
Өскемендік Ислам Исмаков мен Досжан Дулатұлы, Алматы қаласындағы Радиоэлектроника және байланыс әскери инженерлік институтының 1-курс курсанттары
Екі курсантта өздері түлеп ұшқан білім ордасында Радиоэлектроника және байланыс әскери инженерлік институты туралы ақпарат беріп, болашақта осы жолды таңдауға ниетті мектеп түлектерімен өз тәжірибелерімен бөлісті, деп хабарлайды Устинка LIVE тілшісі.
Ислам Исмаков Өскемендегі №47-мектептің, ал Досжан Дулатұлы, №15орта мектеп түлегі. Курсанттар өз мектептеріне келіп, әскери қызметтің маңыздылығы мен Отан алдындағы борышты адал орындаудың жауапкершілігін түсіндірді. Ерлік сабағы барысында курсанттар қызығы мен қиындығы мол әскери өмірлері жайлы, әскери инженер болудың қыр-сыры жайлы айтып, оқушыларды жігерлендірді.
Ерлік сабағы барысында оқушыларға патриоттық тәрбие беріліп, оларды әскери қызметтің артықшылықтарымен таныстыру арқылы елге қызмет етудің абыройлы іс екендігі ұғындырылды. Осындай өнегелі бастамалар болашақ жас буынның Отанға деген сүйіспеншілігін арттырып, патриоттық рухын оятары сөзсіз, - деп атап өтті Қорғаныс істері жөніндегі департаментінің өкілі, подполковник Айдос Майлыбаев.