Өскемен мен ШҚО ШҚО тұрғыны қасақана өрт қоймақ болып, мекенжайды шатастырып алған
Шемонаиха аудандық полиция бөліміне ауыл тұрғыны өз үйінің аумағындағы қораның өртенгені туралы хабарлаған
ШҚО ПД хабарлауынша, аталған факті бойынша "Өзгенің мүлкін қасақана өртеу арқылы жою немесе бүлдіру" бабы бойынша қылмыстық іс қозғалған, деп хабарлайды Устинка LIVE тілшісі.
Тергеу барысында 27 жастағы ауыл тұрғынының көршісімен араздасып, оның мүлкін әдейі өртемек болған анықталған. Ол өзімен бірге жанармай толтырылған бөтелкені алып, қораның ағаш қабырғасын өртеген. Алайда, кейін ол мекенжайды шатастырып, басқа көршісінің қорасын өртеп жібергенін түсінген.
Өрттің салдарынан 7 миллион теңгеден астам шығын келтірілді. Тілсіз жау 10-нан астам үй жануарының өліміне себеп болып, 20 тонна шөп, 5 тонна мал азығы және шаруашылық техникасы толығымен өртенген. Қазіргі уақытта қылмыстық істің мән-жайын жан-жақты және объективті зерттеуге бағытталған барлық қажетті тергеу жүргізілуде. Тергеу нәтижелері бойынша заңды процессуалдық шешім қабылданады, - деп хабарлайды ШҚО Полиция департаментінің баспасөз қызметі.
