Өскемен мен ШҚО Жүргізуші куәлігін алу үшін емтиханға жазылу енді тек "ХҚКО" қосымшасы арқылы жүргізіледі
Мамандандырылған халыққа қызмет көрсету орталығында өткізілетін теориялық және тәжірибелік емтиханға тек "ХҚКО" қосымшасы арқылы ғана жазылуға болады
Бұл жаңашылдық азаматтарға ыңғайы болу үшін және сыйбайлас жемқорлық тәуекелдерін азайтуға бағытталған, деп хабарлайды, Устинка LIVE тілшісі.
Аталған қосымша ХҚКО-ға бару уақытын брондауға, электронды кезек үшін талон алуға, қызықтырған халыққа қызмет көрсету орталығының орналасқан мекенжайын табу және өзекті сұрақтармен танысуға мүмкіндік береді. "ХҚКО" қосымшасын Google Play және App Store арқылы жазып алуға болады.Қауіпсіздікті қамтамасыз ету мақсатында "ХҚКО" қосымшасының барлық қолданушысы екі факторлы аутентификациядан өтеді: алдымен – биометриялық идентификация, сосын 1414 нөмірінен келіп түскен SMS-коды арқылы өзінің жеке басын растайды. Одан кейін жүргізуші куәлігіне үміткер "Теориялық емтиханға жазылу" немесе "Тәжірибелік емтиханға жазылу" батырмасын таңдайды. Бұдан соң қызмет алушыға 1414 нөмірінен хабарлама келіп түседі. Айта кету керек, SMS хабарлама Мобильді азаматтар базасына тіркелген телефон нөміріне жіберіледі. Қосымша арқылы емтиханға жазылу үшін алдын ала мамандандырылған халыққа қызмет көрсету орталығына жүгініп, өтінім нөмірін алу қажет екенін ескертеміз, - дейді ШҚО ХҚКО мамандары.
