Өскемен мен ШҚО Өскеменде "Ғабдуллин оқуы- 2025" облыстық байқауы өтеді
Байқау ақын Серік Ғабдуллиннің шығармашылық мұрасын зерттеу және насихаттау, жастардың әдеби шығармашылығын дамыту мақсатында ұйымдастырылуда
Ағымдағы жылдың 10-шы қаңтары мен 10-шы ақпаны аралығында А.С. Пушкин атындағы облыстық кітапхананың ұйымдастыруымен ақын, Қазақстан Жазушылар одағының мүшесі, Өскемен қаласының Құрметті азаматы Серік Ғабдуллаұлының шығармашылығына арналған "Ғабдуллин оқуына" қатысуға өтініштер мен шығармашылық жұмыстарды қабылдау басталады, деп хабарлайды Устинка LIVE тілшісі.
Байқауға орта мектеп оқушылары (5-8 сыныптар), жоғары сынып оқушылары (9-11 сыныптар), орта арнаулы және жоғары оқу орындарының студенттері қатыса алады.
Ғабдуллин оқуы мемлекеттік тілде келесі бағыттар бойынша жүргізіледі:
- С. Ғабдуллинге арналған арнау өлеңдер оқу;
- С. Ғабдуллиннің өлеңдерін мәнерлеп оқу.
Қатысушы байқауда осы тапсырмалардың біреуін ғана орындау арқылы бақ сынай алады.
Шара жеңімпаздарын маратпаттау рәсімі 19-шы ақпан күні, сағат 14.00-де А.С. Пушкин атындағы облыстық кітапханада өтеді.
