Өскемен мен ШҚО Катонқарағай ұлттық паркінде қоңыр аю фототұзаққа түсті
Катонқарағай ұлттық паркінде орнатылған фототұзақтарды тексеру барысында күтпеген әрі қызықты жағдай орын алған
Фото:
Қатонқарағай ұлттық паркінен
Алтай орманшылығының аумағында қоңыр аю фототұзаққа түсіп қана қоймай, оны "зерттеп" көрмек болған, деп хабарлайды Устинка LIVE тілшісі.
2024 жылдың қараша айында орнатылған фототұзақ аюдың назарын аударса керек, ол оған жақындап, әбден қызықтаған. Бірақ қызығушылық ақыры фототұзақтың жұлынуы мен сынуына алып келді. Дегенмен, ұлттық парк инспекторлары фототұзақ ішіндегі флеш картаны тауып, деректерді қалпына келтіре алды. Осылайша, аюдың бейнесі сақталып, зерттеу жұмыстарына үлес қосылды, - дейді Қатонқарағай ұлттық паркі мамандары.