Өскемен мен ШҚО Өскеменде "Жастар орталығы" ашылды
Өскемен қаласында жастарға арналған тегін орталық ашылды
Орталық Жібек жол көшесіндегі “Ertis City” тұрғын-үй аумағындағы нөмірі үшінші үйдің бірінші қабатында орналасқан, деп хабарлайды Устинка LIVE тілшісі.
Орталықтың ашылуына облыс әкімінің бірінші орынбасары Нұрымбет Сақтағанов қатысты.
Жаңа "Жастар ресурстық орталығы" екі корпустан тұрады. Бірінші ғимарат жастардың жобалары мен бастамаларына қолдау көрсететін орталық қызметкерлеріне арналған жұмыс алаңы. Екінші ғимаратта коворкинг орталығы, би залы, дыбыс жазу студиясы, волонтерлерге арналған бөлме, медиа орталық, үлкен және шағын конференц-залы бар.
Орталық қаламыздың 90 мыңнан астам жастарының шығармашылықпен айналысуына, білім алуына және өз жобаларын жүзеге асыруына мүмкіндік беретін негізгі алаңға айналады. Барлық қатысушыларға ыңғайлы болу үшін студиялар мен алаңдарға бару кестесі әзірленіп, келісіледі. Бұл әр қатысушыға орталықтың мүмкіндіктерін уақыт пен ресурстарды тиімді пайдалануға мүмкіндік береді, - дейді Өскемен қаласы "Жастар ресурстық орталығы".
