Өскемен мен ШҚО ШҚО-да заңсыз пиротехника сататындар анықталды
ШҚО Полиция департаменті мен ТЖД құтқарушылары бірлесіп, заңсыз пиротехника саудасына қарсы 340-қа жуық рейд жүргізді
Алдын алу іс-шаралары аясында пиротехниканы сатуға арналған лицензиялардың бар-жоғы тексеріледі, деп хабарлайды Устинка LIVE тілшісі.
Рейд барысында 194 дана өнім тәркілеп, ҚР кодексінің "Әкімшілік құқықбұзушылық"туралы 196-бабы бойынша 21 хаттама толтырды.
Пиротехникалық бұйымдардың бөлшек саудасы өнімнің сақталуын қамтамасыз ететін, тікелей күн сәулесі мен атмосфералық жауын-шашыннан қорғайтын дүкендерде, павильондарда және киоскілерде сатылуы керек. Сондай-ақ, ғимараттардың орналасуы эвакуация жолдарын бөгемеуі және бастапқы өрт сөндіру құралдарымен қамтамасыз етілуі тиіс, - деді ШҚО ТЖД Мемлекеттік өрт бақылау басқармасының бастығы Нұржан Өміржанов.
ШҚО Полиция департаментінің мәліметінше, облыста лицензиясы бар 4 заңды тұлға тіркелген. Олардың екеуі Өскемен қаласында, екеуі Алтай қаласында орналасқан.
Лицензиясы жоқ тұлғаларға пиротехникалық бұйымдарды сатуға қатаң тыйым салынады.
ШҚО ТЖД пиротехника сатып алғанда келесі жайттарға назар аударуға кеңес береді:
- Өнімнің сертификатталғанын және пиротехниканы пайдалану ережелерімен танысыңыз;
- Сақтау және пайдалану мерзімін тексеріңіз: егер өнім мерзімі өтіп кетсе, оны қолдануға болмайды;
- Қаптамасы бүтін болуы қажет.