Үлкен Нарында жас полицейлердің алғашқы кадет сыныбы ашылды

Енді 14 алтыншы сынып оқушысы құқық қорғау саласына байланысты пәндерді тереңірек оқи алады, деп хабарлайды Устинка LIVE тілшісі.

Сынып полиция генерал-майоры Слям Исабаев Мұхамеджанұлының атымен аталған. Ол 1937 жылы Мало-Красноярка ауылында дүниеге келген және өмірін ішкі істер органдарына арнаған. ІІМ жүйесінде 30 жылдан астам уақыт жұмыс істеп, қызмет жолын 1994 жылы Қазақстан Республикасы ішкі істер министрінің орынбасары лауазымында аяқтаған.

Салтанатты іс-шара барысында жас кадеттер ант қабылдап, алғашқы куәліктерін алды.

"Жас сақшы" жас полиция кадеттер сыныбының ашылуы – өскелең ұрпақты әскери-патриоттық рухта тәрбиелеу жолындағы маңызды қадам. Бұл – оқушыларға батылдықты, жанқиярлықты және жоғары жауапкершілікті талап ететін мамандықпен жақынырақ танысуға берілген бірегей мүмкіндік, - дейді ШҚО Полиция департаменті. 

Полиция қызметкерлерінің пікірінше, осындай бастамалар Қазақстанның болашағын қалыптастыруға, лайықты азаматтар мен құқықтық тәртіп қорғаушыларын тәрбиелеуге ықпал етеді.