Өскемен мен ШҚО Денсаулыққа қасақана ауыр зиян келтiргені үшін қылмыстық жауаптылық
Адамның денсаулығына қасақана ауыр зиян келтiргені үшін қылмыстық жауаптылық ҚР Қылмыстық кодексінің 106-бабында көзделген
Атап айтқанда, денсаулыққа қасақана ауыр зиян келтiргені үшін үш жылдан сегіз жылға дейінгі мерзімге бас бостандығынан айыруға жазасы бекітілген, деп хабарлайды Устинка LIVE тілшісі.
Еліміздің Ата Заңының 1-ші бабында "Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы - адам және адамның өмірі, құқықтары мен бостандықтары"деп көрсетілген. Біздің мемлекеттің адамды және адамның өмірін, құқықтары мен бостандықтарын ең қымбат қазына деп тануы мемлекеттің адамға үнемі қамқорлық көрсетіп, адамның жақсы өмір сүруі үшін оған қажетті барлық жағдайды жасайтынын, адам өмірін қолсұғушылықтан қорғайтынын білдіреді, - дейді Өскемен қаласының мамандандырылған тергеу сотының бас маманы Галина Савина.
Егер абайсызда адам өліміне әкеп соққан не қылмыстық топ жасаған іс-әрекеттер бойынша қылмыскердің мүлкi тәркiленіп, сегіз жылдан он екі жылға дейiнгі мерзiмге бас бостандығынан айыру жазасы қолданылады.
Сондықтан, қызбалыққа салынып, әлімжеттікке берілмей, сабыр сақтап, әр азаматтың өмірінің заңмен қорғалатынын естен шығармаған абзал!