Өскемен мен ШҚО ШҚО-да "Ақ босаға" ансамблінің мерейтойлық концерті өтеді
"Ақ босаға" ансамблінің құрылғанына биыл 10 жыл толды
Ансамбль құрамында өңіріміздің зейнет жасындағы өнер қайтаркерлері, ұстаздар мен дәрігерлер өнер көрсетеді, деп хабарлайды Устинка LIVЕ тілшісі.
Ағымдағы жылдың 18 желтоқсан күні сағат 18.00-де Шығыс Қазақстан облыстық филармониясының көрермендер залында "Ақ босаға" ансамблінің 10 жылдығына арналған "Өмірді әнмен тербеген" атты концерті өтеді.
"Ақ босаға" ансамблі 2015 жылы қазан айында құрылды. Ансамбльдің құрамында зейнет жасындағы әжелер, кешегі ұлағатты ұстаздар, дәрігерлер, зейнетке шыққан өнер қайраткерлері бар. Ансамбль көптеген концерттік бағдарламаларда өз өнерімен көрерменнің алғысына бөленіп, халықты береке-бірлікке шақырып жүрген үлкен ұжым.
Концерттік бағдарламада "Алтай" фольклорлы-этнографиялық ансамблі, "Алтай" халық би ансамблі өнер көрсетеді.
Кіру тегін.
