Өскемен мен ШҚО ШҚО-да оқытушылар мен студенттер арасында байқау ұйымдастырылады
Өскеменде студенттер арасында Қанипа Бітібаева атындағы студенттер олимпиадасы және Асқар Ислямов атындағы "Үздік педагогикалық эссе" байқауы өтеді
Оған еліміздің әр өңірінен студенттер мен педагогтер қатыспақ, деп хабарлайды Устинка LIVE тілшісі.
Білім байқауының ашылу салтанаты 11 желтоқсан күні сағат 10.00-де ШҚО драма және оперетта театрында өтеді.
Техникалық және кәсіптік білім беру ұйымдарының студенттері арасында қазақ тілі мен әдебиеті пәнінен Қанипа Бітібаева атындағы III республикалық олимпиада және колледж педагогтері арасында КСРО халық ағарту ісінің үздігі, Қазақстан Республикасының еңбек сіңірген мұғалімі Асқар Ислямов атындағы "Үздік педагогикалық эссе" II республикалық байқауы өтеді.
Байқауға Астана, Алматы қалаларынан, Жамбыл, Ақтөбе, Қызылорда, Түркістан, Павлодар, Қарағанды, Ақмола, Алматы, Абай, Шығыс Қазақстан облыстарынан техникалық және кәсіптік білім беру ұйымдарының педагогтері мен студенттері қатысады.
Жеңімпаздарды марапаттау рәсімі 12 желтоқсан күні сағат 10.00-ге жоспарланған (Шығыс Қазақстан облыстық драма және оперетта театры).
