Өскемен мен ШҚО ШҚО-да көлік дөңгелегін ауыстырмаған отыз шақты жүргізуші ұсталды
1 желтоқсаннан бастап көлік жүргізушілерін жаздық шиналарды ауыстыруға міндеттейтін жаңа ережелер күшіне енді
ШҚО полицейлері 4 күн ішінде жазғы шиналарын ауыстырмаған жүргізушілерді анықтады, деп хабарлайды Устинка LIVE тілшісі.
Желтоқсанның алғашқы төрт күнінде Шығыс Қазақстан облысының полицейлері жазғы дөңгелектермен жүрген 34 көлік иесін анықтаған, - деп хабарлады ШҚО ПД. – Заңбұзушылардың бірі автокөлігімен кәмелетке толмаған балаларды алып жүрген. Барлық заңбұзушыларға қатысты әкімшілік хаттамалар толтырылды.
Полиция қызметкерлері қысқы шиналарды тағу – бұл тек заң талабы ғана емес, қауіпсіздік шарасы екенін еске салады.
Ескертуді елемегендер 5 айлық есептік көрсеткіш мөлшерінде, яғни 18 500 теңге төлейді. Бір жыл ішінде талапты тағы бұзса, айыппұл 20 айлық есептік көрсеткішке дейін өседі. Яғни, 74 мың теңге төлеуге міндеттелмек. Айта өтейік, заңнамаға сәйкес, темір тұлпар тізгіншілері 1 желтоқсан мен 1 наурыз аралығында қысқы дөңгелекпен жүруге міндетті.
