Өскемен мен ШҚО Өскеменде студенттер арасында облыстық слет-форумы өтті
ШҚО-да "Саналы ұрпақ" студенттік клубтарының жыл сайынғы слеті ұйымдастырылды
Бұл форум студенттердің бойында сыбайлас жемқорлыққа қарсы сананы, мәдениетті қалыптастыру мақсатында ұйымдастырылған, деп хабарлайды Устинка LIVE тілшісі.
ҚР Сыбайлас жемқорлыққа қарсы іс-қимыл Агенттігінің ШҚО департаменті облыстық Білім басқармасымен бірлесіп Шығыс Қазақстан колледждерінде оқитын студенттерді Қазақстан-Америка Еркін Университетінің жоғары колледжінің алаңында жинады.
Слет "Саналы ұрпақ" клубтарының белсенділері мен басшыларын біріктірді. Аталған клубтар 2018 жылы өңірдің әрбір колледжінде ұйымдастырылған Олардың қызметі құқықтық білім мен сыбайлас жемқорлыққа қарсы мәдениетті насихаттауға бағытталған.
Қазақстанның жарқын болашағы білімді, мақсатты және зиялы жастардың қолында. Сондықтан мемлекеттің әлеуметтік саясатының негізгі басымдықтарының бірі – ғылым мен білім сапасын дамыту және арттыру болып табылады. Сыбайлас жемқорлыққа қарсы мәдениетті қалыптастыру және сыбайлас жемқорлық құқық бұзушылықтарды жою мақсатында білім беру мекемелерінде Агенттіктің бастамасымен бірқатар жобалар іске асырылуда. Бұл "SANALY urpaq", "Адал ұрпақ", "Сыбайлас жемқорлыққа қарсы волонтерлік", "Адалдық сағаты" жобалары, – деп атап өтті ШҚО сыбайлас жемқорлыққа қарсы қызметтің превенциясы басқармасының басшысы Архат Бейсембаев.
Слет-форум барасында "Шығыс Қазақстан облысының техникалық және кәсіптік білім беру ұйымдарындағы сыбайлас жемқорлыққа қарсы бастамалар" тақырыбында дөңгелек үстел, "Жемқорлық-ғасыр дерті" интеллектуалдық ойыны өткізілді. Сондай-ақ колледждерден қатысқан 44 бірінші курс студенттері ант қабылдап, "Саналы ұрпақ" төс белгісін алды. Іс-шара сонында ауыспалы "Адалдық" кубогы сайыстар женімпазы атанған “Өскемен құрылыс колледжіне” табысталды.
Слет қорытындысы бойынша постерлер салу, эссе жазу, бейнеролик жасау сайыстарының женімпаздары марапатталды.
Эссе жазу байқауының қорытындысы бойынша жүлделі 1-орынды Абай атындағы Шығыс Қазақстан гуманитарлық колледжі студенті Гүлдана Балташ, 2-орынды Марқакөл ауылының мектеп-интернат-колледжі студенті, 3-орынды Зайсан технология колледжі келген студент Ақниет Серіков иеленді.
Ал бейнеролик жасау байқауы бойынша 1-орынды Өскемен құрылыс колледжі студенті Рамазан Гапонов, 2-орынды Өскемен жоғары политехникалық колледжінің студенті Жомарт Әлібеков иеленсе, 3-орынды Шемонаиха колледж студенті Софья Байгиреева қанжығылады.
Постер салу сайысы бойынша 1-орынды халық әртістері ағайынды Абдуллиндер атындағы Шығыс Қазақстан өнер училищесінің студенті Алиса Ройгер, 2-орынды Өскемен қызмет көрсету саласы колледжі студенті Алина Фаттахудинова, 3-орын Риддер колледжінің студенті Диана Жиркова иеленді.
