Өскемен мен ШҚО Өскемендегі музейден Тарбағатайдан табылған тақта отырған қағанды көруге болады
Профессор Зайнолла Самашевтің жетекшілігімен Тарбағатай ауданындағы "Қаған" кешенінен тәж киіп, тақта отырған түркі қағаны бейнеленген әшекейлер табылған
Шығыс Қазақстан облыстық тарихи-өлкетану музейіне сол қағанның көшірмесі қойылды, деп хабарлайды Устинка LIVE тілшісі.
Түркі қағанының алтыннан жасалған бейнесі – ежелгі дала өркениетінің көрнекті ескерткіші.
Бұл құнды жәдігердің заманауи ғылыми-танымдық жаңғыртпасын белгілі суретші, этнограф-қарутанушы Қалиолла Ахметжан жасаған. Жаңғыртпа музейіміздің "Ұлы дала алтыны" залында арнайы көрмеге қойылды, - деп мәлімдеді ШҚО тарихи-өлкетану музейі. - Бұл көрме келушілерге түркі дәуірінің ұлы мәдениеті мен рухани әлемін тереңірек тануға, ата-бабаларымыздың тарихи мұрасының маңызын сезінуге мүмкіндік береді. Ежелгі билеушілердің киелі өркениетін бейнелейтін осынау баға жетпес жәдігерді көруге баршаны шақырамыз.
