Өскемен мен ШҚО Ертең ШҚО-да Бибігүл Төлегенованың құрметіне концерт өтеді
ШҚО әкімінің симфониялық оркестрінің "Қазақтың бұлбұлы" атты концерті Бибігүл Төлегенованың 95 жылдық мерейтойына арналады
Концерт ертең Шығыс Қазақстан облыстық филармониясында ұйымдастырылады, деп хабарлайды Устинка LIVE тілшісі.
Бибігүл Ахметқызы – опера әншісі (лирика-колоратуралық сопрано), актриса, педагог, КСРО халық әртісі (1967), КСРО Мемлекеттік сыйлығының иегері (1970), Социалистік Еңбек Ері (1991).
Әншінің репертуарында әр түрлі қазақ халық әндері, Қазақстан композиторларының әндері және Батыс еуропа композиторларының вокалдық шығармалары бар. Б.Төлегенова өзінің концерттік-орындаушылық өнерін жоғары шеберлік деңгейіне көтеріп, қазақ операсының дамуына елеулі үлес қосты. Бірнеше фильмдегі замандастарының бейнесін жасай отырып, ол тек республикада, ТМД елдерінде ғана емес, бүкіл әлемде танымал болды.
ШҚО филармониясындағы кеш 18.30-да басталады. Концерттік бағдарламада "Құрмет" орденінің иегері, ҚР Мәдениет қайраткері, профессор Альмира Нұрғожина, ҚР Еңбек сіңірген әртісі Вячеслав Ткач, ҚР Мәдениет саласының үздіктері Жанат Бисимбаев, Айжан Мазкенова, Ботагөз Жұмабекова, республикалық және халықаралық байқаулардың лауреаттары Арника Байбусынова, Абай Каирбек өнер көрсетеді.
