Өскемен мен ШҚО Өскеменде қазақ фильмдерінің ретроспективасы өтеді
Облыс орталығында қазақстандық кинолар 13-17 қараша аралығында тегін көрсетіледі
Сондай-ақ, ретроспектива аясында бүгін Өскеменге "Хирург" фильмінің сценарий авторы, актері, продюсері келді, деп хабарлайды Устинка LIVE тілшісі.
Шығармашылық кездесу сағат 16.00-де "Ертіс" қонақ үйінде ұйымдастырылады.
13-17 қараша аралығында "Қазақфильмнің" қолдауымен "Юбилейный" кинотеатрында қазақ киносының ретроспективасы өтеді.
Ашылу күні - 13 қараша, сағат 19.00-де "Хирург" фильмінің қоюшы суретшісі әрі актері Үмірзақ Шмановпен, сценарий авторы Даур Досыбиевпен және продюсер әрі оператор Александр Рубановпен шығармашылық кездесу ұйымдастырылмақ.
Бағдарламада:
- "Хирург" + ашылу және шығармашылық кездесу, 13.11 - 19:00
- "Жамбыл. Жаңа дәуір" (қаз. нұсқасы), 14.11 - 18:00
- "Операция Набат" (аралас тіл, субтитрмен), 15.11 - 18:00
- "Дос-Мукасан" (аралас тіл, субтитрмен), 16.11 - 18:00
- "Дос-Мукасан" (қаз. нұсқасы), 16.11 - 15:30
- "Паралимпиец" 17.11 - 18:00
Фильмдер мен іс-шараларға кіру тегін, кинотеатр кассасында алдын ала тіркелу қажет.